Acharya Tulsi
पंचमः प्रकाशः
- आश्रवनिरोधः संवरः ।
- सम्यक्त्वं विरतिरप्रमादोऽकषायोऽयोगश्चेति पञ्चधा ।
- तत्त्वे तत्त्वश्रद्धा सम्यक्त्वम् ।
- औपशमिक- क्षायिक-क्षायोपशमिक-सास्वादन-वेदकानि ।
- निसर्गजं निमित्तजञ्च ।
- द्वयञ्च करणापेक्षमपि ।
- परिणामविशेषः करणम् ।
- यथाप्रवृत्त्यपूर्वाऽनिवृत्तिभेदात् त्रिधा ।
- शम-संवेग - निर्वेदानुकम्पाऽऽस्तिक्यानि तल्लक्षणम् ।
- शंका-कांक्षा-विचिकित्सा-परपाषण्डप्रशंसासंस्तवास्तदतिचारः ।
- निःशंकित-निष्कांक्षित-निर्विचिकित्सित-अमृढदृष्टि-उपबृंहण-स्थिरीकरण-वात्सल्य-प्रभावनास्तदाचारः ।
- सावद्यवृत्तिप्रत्याख्यानं विरतिः ।
- अध्यात्मलीनता अप्रमादः ।
- क्रोधाद्यभावोऽकषायः ।
- अप्रकम्पोऽयोगः ।
- तपसा कर्मविच्छेदादात्मनैर्मल्यं निर्जरा ।
- उपचारात्तपोपी ।
- सकामाऽकामा च ।
- कृत्स्नकर्मक्षयादात्मनः स्वरूपावस्थानं मोक्षः ।
- अनावृत-ज्ञान-दर्शनो निर्धूतमोहो विदेह आत्मा सिद्धः ।
- सिद्धो बुद्धो मुक्तः परमात्मा परमेश्वर ईश्वर इत्यनर्थान्तरम् ।
- ते चानन्ता अपुनरावृत्तयश्च ।
- तीर्थातीर्थ-तीर्थंकरातीर्थंकर-स्वान्य-गृह-स्त्रीपुंनपुंसकलिंग-प्रत्येकबुद्ध-स्वयं-बुद्ध-बुद्धबोधितैकानेकभेदात् पञ्चदशधा ।
- मुक्त्यनन्तरमेकसमयाद् ऊर्ध्वं गच्छन्त्यालोकान्तात् ।
- ईषत्प्राग्भारा पृथ्वी तन्निवासः ।
- तत्त्वद्वय्यां नवतत्त्वावतारः ।
- रूपिणो जीवाः ।
- अजीवा रूपिणोऽपि ।
- इति संवरनिर्जरामोक्षस्वरूपनिर्णयात्मकः पंचमः प्रकाशः
